Sıñırda FSB tarafından sorğuğa çekilgen qırımtatar artistleri yiberildi

29.11.201615:50

Noyabr 29-da, salı künü Rusiye Federal havfsızlıq hızmeti hadimleri sıñırdan keçken qırımtatar faallerini tuttı. Bir qaç saat keçken soñ olar yiberildi.

Çağına yetmegen balalar birden yiberildi, qalğanlar ise, sorğuğa çekildi. Tutulğanlar arasında Hip-Hop Qırım gruppasınıñ iştirakçileri (Seyran Halilov, Eskender Çatalov, Osman Cemalâdinov), yırcı Reana Tarkova, bunen beraber, Kiyevde keçirilgen kontsertniñ iştirakçisi Adile Absaitovanıñ anası Ayşe Absaitova oldılar, dep bildire «15 minut» saytı.15

Avdetniñ evel bildirgenine köre, bugün FSB hadimleri «fevral 26» işi boyunca yaqalanğan Mustafa Degermenciniñ anası Aliye Degermencini tuttı.

Noyabr 27-de Kiyevde «Vatan sesi» qırımtatar kontserti keçirildi, merasimde Kiyevde yaşağan ve Qırımdan kelgen qırımtatar icracılar iştirak etti.

Фото аватара

Автор: Редакция Avdet

Редакция AVDET