Sürgün etilgen qırımtatar kişini psihiatrik hastahanege keçirecek olalar

02.12.201614:50

Sürgün etilgen qırımtatar faali Nedim Halilov bildire ki, onı psihiatrik hastahanege keçirecek olalar.

Bu aqta o, dekabr 1-de Facebook saifesinde haber etti.

« 01.12.2016 keçirilgen baquv devamında tib hadiminiñ aytqan sözleri aqlımdan çıqmay. O ayttı ki, meni psihiatrik hastahanege keçirmek kerek», – dep yazdı Halilov.

Avdetniñ evel bildirgenine köre, Nedim Halilov Qırımdan mahkeme qararına binaen çıqarıldı. Sürgün sebebi, Sovet Birligi pasportı oldı. Başqa vesiqalarnı o red etti. O, bir qaç ay devamında Krasnodar ülkesi, Lazarev rayonı, Vardan köyündeki filtratsiya noqtasında bulunacaq, bundan soñ, Özbekistanğa sürgün etilecek.

Soñra Nedim Halilov açlıqnı ilân etti. O, onı yarımadağa qaytarmasını, bunen beraber, oña milleti «qırımtatar» olğanı qayd etilgen vatandaşlıqsız şahıs statusı berilmesini talap ete.

Фото аватара

Автор: Редакция Avdet

Редакция AVDET