Özbekistanda prezident saylandı

05.12.201623:30

Özbekistan Merkeziy saylav komissiyası prezident vazifesini eda etken Şavkat Mirziyayevniñ dekabr 4-te keçirilgen prezident saylavlarınıñ ğalibi olğanını ilân etti.

Şavkat Mirziyayev saylayıcılar reyleriniñ 88 faizini aldı.

Özbekistan Merkeziy saylav komissiyasınıñ malümatına binaen, resmiy olaraq, saylavlarda vatandaşlarnıñ 87,83 %-i iştirak etti (rey berüv aqqı olğan yigirmi millionlıq ealiden 17900000-den ziyade şahıs).

58 yaşındaki Şavkat Mirziyayev, 2003 senesinden başlap, baş nazir vazifesinde buluna edi. Sentâbr 8-de, prezident İslam Karimov vefat etken soñ, devlet yolbaşçısı vazifesini eda etken edi.

Автор: Редакция Avdet

Редакция AVDET