Aqmescit merkezinde qaldırım taşçıqlarını ava vaziyeti bozğan

09.01.201719:35

Qarlı ava ve Aqmescitniñ (Simferopol) esas soqaqlarınıñ tamirlenüvi içün ayırılğan qısqa müddet yañı qaldırım taşçıqlarınıñ qoyulmasında bir sıra qusurlarnıñ sebebi oldı.

Bu aqta «Krım-development» şirketiniñ baş müdiri Valeriy Pisarev bildirdi.

Onıñ sözlerine köre, añlaşma boyunca tamir işleriniñ müddeti 80 kün edi. Bu müddet devamında 30 künden ziyade ava arareti sıfırdan aşağı edi ve çoq qar ve yağmur yağa edi. Bu ise, işlerniñ alçaq seviyede yapılğanınıñ sebebi oldı. Endi, yarımadada ava arareti sıfırdan yuqarı olcağından soñ, qusurlar tüzetilecek. Bunıñ içün işlerni yapacaq şirketke 10 kün berilecek.

Sıcaq ava olğanda, qaldırımdaki teşiklerge qum tökülecek, bu ise, Pisarevniñ fikrince, meseleni çezer, dep bildire «AN-Krım».

Pisarev, patlağan teller ile bağlı vaqianı şeer merkezinde yañı yıl naratı qoyulğanınen bağlay.

Bugün Natalya Poklonskaya Facebook saifesinde bildirdi ki, o, Puşkin ve Karl Marks soqaqlarınıñ tamirlenüvi boyunca ğayrı keyfiyetli işler yapılğanına Aqmescit sakinleriniñ şikâyetlerini teşkermek muracaatınen Rusiye baş prokurorı Yuriy Çayka adına deputat arizasını berdi.

İçtimaiy ağlar qullanıcıları ayta ki, bundan evel Karl Marks ve Puşkin soqaqlarınıñ körünişi daa güzel edi, böyle tamirge ise diversiya dep aytalar.

Avdetniñ evel bildirgenine köre, Aqmescit merkezinde işçiler qaldırım taşçıqlarını ava arareti -10 dereceni teşkil etkende qoya edi. İşler, qarantlıq tüşken soñ da devam etken edi.

ulitsa-pushkina_simferopol

Bundan da ğayrı, Qırım blogeri Aleksandr Gorniy «Eho Moskvı» saytında «Diversantlar Aqmescit merkezine sürip kirdi» serlevalı fotoreportajnı paylaşıp, Aqmescit merkezindeki tamirni diversiya dep adlandırdı.

ria

tsentr

реконструкция центра Симферополя

плитка в центре симферополя

Foto: Yevgeniy Bondarenko, Avdet, RİA Novosti Krım

Фото аватара

Автор: Редакция Avdet

Редакция AVDET