Aqmescit civarında qurucılıq qorası yelden uçıp ketti

11.01.201712:50

Dekabr 30-da Aqmescit civarındaki Boğurça (Kamenka) qasabasında bala bağçası qurulacaq yerde qurucılıq qorası qoyuldı. Amma kelecek kün qora yelden uçıp ketti.

Bu aqta yerli sakinler bildire.

Olarnıñ malümatına binaen, qora tarlanıñ tek bir tarafında qoyuldı. Yelden yıqılğan qora alâ daa yolda turıp, aman-aman bütün yolnı qapata. Yahşı ki, yıqılğan qora kimsege ve bir şeyge zarar ketirmedi.

kamenka1

«Bu ne edi: bücetniñ öz maqsadınen qullanılması, eali közüniñ sabunlanması ya da yañı yıl «ediyesimi»? Tek bir şey hayırlı. Bizde, Boğurçada halq doğru eken, alâ daa yañı malzemelerni hırsızlamadı», – dep ayttı Boğurça qasabası sakini Osman Seitcelilov.

Aynı vaqıtta Aqmescitteki Bor Çoqraq (Fontanı) qasabası sakinleri haber etti ki, olarda da böyle vaqia yüz berdi.

«Bor Çoqraqta aynı qora, aynı bala bağçası, aynı dekabr 30-da, aynı uça. Biz bir şeyni bilmeymizdir», – dep ayta Bor Çoqraq sakinleri.

Avdetniñ bildirgenine köre, Aqmescit sakinleri şeer merkezinde ğayrı keyfiyetli yapılğan tamir işlerinden memnün degiller.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Автор: Редакция Avdet

Редакция AVDET