Qırımda «Armançıq» mecmuasınıñ 2017 senesi birinci sanı çıqtı

20.01.201717:00

Dünyada yekâne «Armançıq» qırımtatar bala mecmuasınıñ baş muarriri Ediye Muslimova 2017 senesi birinci sannıñ neşir etilgeni aqqında haber etti.

«Bu sene «Armançıq» bala mecmuasınıñ birinci (umumen olaraq, 31-ci) sanı dünya yüzüni kördi», – dep yazdı o mecmuanıñ Facebook ağındaki resmiy saifesinde.

Avdetniñ elde etken malümatına binaen, «Armançıq» mecmuasına abune olğanlarnıñ sayısı bayağı azlaştı. Bugünki künde cemi 3142 nushadan ibarettir.

«Tiraj 1400 nushağa azca oldı. Biz şaştıq!» – dep şikâyet etti baş muarrir.

Bundan evel Avdetke izaat bergen Ediye Muslimova qayd etti ki, bala edebiyatı, em de coyayatqanımız ana tili vaziyeti facialıdır.

«Yardım alınacaq yer yoq. Tek özüñe işanacaqsıñ!» – dep emin olğanını bildirdi o.

«Armançıq» mecmuası 2011 senesinden başlap neşir etile.

Mecmuanıñ abune indeksi – 68309. Bir sene abune fiyatı 877 ruble 56 kapiktir.

20_01_2017_арманчыкъ_2

20_01_2017_арманчыкъ_3 20_01_2017_арманчыкъ_4

Автор: Редакция Avdet

Редакция AVDET