Aluşta memuriyeti yolbaşçısınıñ sabıq muavini Enver Arpatlı Tataristanda çalışa

24.01.201715:35

Aluşta regional Meclis (Rusiye Federatsiyası territoriyasında 26.04.2016 s. mahkeme qararınen yasaq etilgen) idaresiniñ sabıq yolbaşçısı, şeer memuriyeti yolbaşçısınıñ sabıq muavini Enver Arpatlı Tataristanda memur oldı. O, Ahtem Çiygoznıñ işi boyunca qabaatlavnıñ esas şaatlarından biri oldı.

Arpatlı Pestretsi belediye rayonınıñ icra komiteti yolbaşçısınıñ muavini ola. Bu rayonnıñ merkezi Tataristan Cumhuriyetindeki Pestretsi köyü ola. Onı, mahkemege sorğuğa davet etmek içün, çoq vaqıt devamında tapıp olamağan ediler. Arpatlınıñ video bağ vastasınen sorğuğa çekilmesi fevral 2-ge planlaştırılğan.

Taqiqat tarafından taqdim etilgen foto ve video malümat ögrenilgen vaqıtta adliyeciler bu insannıñ vaqia merkezinde faal olğanına bir qaç sefer diqqat etken edi, mahküm etilgen Ahtem Çiygoz ise bildirdi ki, hususan Arpatlı regionlar ile bağ tutuv ve Qırım parlamentine regional meclisler azalarınıñ kelüvi içün mesüliyetli edi, dep bildire Qırım.Aqiqat.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Автор: Редакция Avdet

Редакция AVDET