Moskvada Amet-Han Sultannıñ hatırası añıldı

02.02.20179:10

Fevral 1-de Sovet Sotsialistik Cumhuriyetler Birligi eki defa qaramanı Amet-Han Sultannıñ hatırası onıñ defin etilgen yerinde, Moskvadaki Novodeviçye mezarlığında añıldı. Tünevin uçucınıñ elâk olğanından 46 yıl toldı.

Efsaneviy uçucınıñ qabiri yanında, adet üzre, Moskva qırımtarar cemiyetiniñ temsilcileri ve «M.M. Gromov adına Uçuv-tedqiqiy institutnıñ» veteran uçucıları toplaştı.

Merasimniñ iştirakçisi, faal İbraim Voyennıynıñ malümatına binaen, veteran uçucıları dostu Amet-Hannıñ em arbiy, em de tedqiqiy qaramanlığı aqqında añlattı.

Qırımtatarlar adından İbraim Voyennıy sözde bulundı. O, ikâye etti ki, eñ qıyın vaqıtlarda qırımtatar halqı içün Amet-Han Sultan iç bir vaqıt öz halqından, milletinden vazgeçmegen edi, halq temsilcileri ve faallerinen körüşe edi ve olarnıñ muracaatları ve beyanatlarını çeşit devlet müessiselerine teslim etken edi, bütün bu muracaatlarda öz imzasını da qoyğan edi.

Qaramannıñ hatırası sükünet daqqasınen añıldı, qırımtatarlar Amet-Han Sultannıñ qabiri yanında dua etti.

İbraim Voyennıy Facebook saifesinde bildirdi ki, fevral 4-te Asadullayev Evi Tatar edebiyatı kitaphanesinde (Tatar medeniyet evi) Moskva qırımtatar cemiyeti Amet-Han Sultannıñ hatırasına bağışlanğan merasimni teşkil etecek.

Amet-Han Sultan 1971 senesi fevral 1-de Tu-16 uçucı laboratoriyasında sınav uçuv neticesinde elâk oldı. O, Moskvadaki Novodeviçye mezarlığında defin etildi.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

амет-хан2

амет-хан3

амет-хан4

Foto: İbraim Voyennıy

Фото аватара

Автор: Редакция Avdet

Редакция AVDET