Aqmescit suv anbarında balıqçı elâk oldı

07.02.20178:35

Fevral 5-te Aqmescit (Simferopol) suv anbarında üç balıqçı zararlandı, olardan biri elâk oldı.

«Rusiye Fevqulade vaziyetler nazirliginiñ taqımları kelmezden evel balıqçılardan biri elâk oldı. Eki zararlanğan aqay kişini qurtarıp oldılar», – dep bildire FVN matbuat hızmeti.

Rusiye Fevqulade vaziyetler nazirligi Qırım Baş idaresiniñ bildirgenine köre, elâk olğan adamnıñ cesedini qıdıruv aqşam ve kelecek kün, yani fevral 6-da devam etti.

Mahsus dalıcı aletler vastasınen qurtarıcılar vaqia yüz bergen yerge barıp yetti ve suvğa daldı.

«İşler alıp barılğan vaqıtta şiddetli tuman sebebinden tek 20-30 metr uzaqlığına qadar körmek mümkün edi, bunen beraber, bu yerde buz pek ince edi, ayaq tübünde daima bozula edi, bu ise, dalınacaq yerge barıp yetmek imkânını ağırlaştıra edi, çünki mesafe yalıdan 80 metrni teşkil etken. Saat 11:50-de, tahminen 13 metr terenliginde, suvaltı fener yardım etmegen ve iç bir şey körünmegen yerde, elâk olğan balıqçınıñ cesedini tapıp oldıq», – dep añlattı dalıcı-qurtarıcı taqımınıñ yolbaşçısı Maksim Çebanov.

Sağ qalğan eki aqay kişi hastahanege ketirildi.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

водохранилище_мчс_3

водохранилище_мчс_1

водохранилище_мчс_2

Фото аватара

Автор: Редакция Avdet

Редакция AVDET