Qırımda milliy areket veteranınıñ 80 yıllığı qayd etile

18.02.201714:00

Fevral 18-de Qırımda milliy areket veteranı, belli qırımtatar faali Şefiqa Konsulnıñ 80 yıllığı qayd etile.

Onı hayırlamaq içün milliy areket faalleri, medeniyet, ilim ve tasil erbapları keldi.

Şefiqa Konsul (İslâmova) 1937 senesi fevral 18-de Bağçasaray rayonınıñ Kökköz köyünde Kazim Aliyevniñ qorantasında doğdı.

1956 senesi orta mektepni bitirgen soñ, Şefiqa hanım qırımtatar milliy areketiniñ faal iştirakçisi Mustafa Konsulğa aqayğa çıqa. Soñra Konsul ailesi Samarqandda milliy areketniñ faal iştirakçilerinden biri ola. Toplaşuvlarda, mitinglerde Şefika Konsul vatandaşlarını haberlernen tanıştıra edi. Muzıka oquv yurtunda kitaphane müdiri vazifesinde çalışıp, boş vaqtını arhivlerde keçire edi. Onıñ sözlerine köre, olar çoqusını milliy areketniñ üykenlerinden ögrene edi. Bu, ilk evelâ, Asan Emirov, Bekir Umerov, İlyas Mustafayev, bundan soñ İdris Asanin, Ferat Useinov, Mustafa Cemilev, Rolan Kadıyev, Enver Ablâzizov, Veli İsmailov, Riza Yunusov. Konsullarnıñ evinde defalarca tintüvler keçirile edi.

Halqta Şefiqa Konsulğa, onıñ güzel sesi saibesi olğanı içün, milliy areket «bülbüli» dep aytalar. Bundan da ğayrı o, muzıka ve yırlar içün şiirler yaza, çoq masal, atalar sözlerini ve aytımlarnı bile.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Автор: Редакция Avdet

Редакция AVDET