Tünevin, mart 14-te Qırımnıñ İslâm Terek (Kirovskoye) rayonında Aqmescit-Kefe (Simferopol-Feodosiya) yolunda deşetli qaza yüz berdi, neticede eki insan elâk oldı.
İçki işler nazirliginiñ Qırım Cumhuriyeti boyunca Yol areketi havfsızlığı devlet inspektsiyası (YAHDİ) idaresiniñ malümatına binaen, ecnebiy avtomobil beton qarıştırıcı yük maşnasınen çatıştı.
«1978 senesi doğğan Ford Focus avtomobiliniñ aydayıcısı, Aqmescit-Kefe yolunda Kefe tarafından areket etip, maşnanı idare etip olamadı, qarşı taraf yoluna çıqtı ve o yerde KamAZ beton qarıştırıcı avtomobilinen çatıştı», – dep bildirdiler YAHDİ-da.
Qaza neticesinde yengil maşna aydayıcısı ve 1963 senesi doğğan onıñ yolcusı elâk oldılar.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.