Avropa parlamenti Qırım mabusları boyunca rezolütsiyanı qabul etti

16.03.201716:03

Avropa parlamenti Qırımda bulunğan ukrain mabuslarınen bağlı vaziyet boyunca rezolütsiyanı qabul etti. Avropa deputatları Rusiyeni deral bu ukrainlerni azat etmege çağırdı ve Avropa birligine Ukraina vatandaşlarınıñ taqip etilüvi içün qabaatlı olğanlarğa qarşı yañı sanktsiyalarnı kirsetmek muracaatında bulundı.

Rezolütsiyağa 451 Avropa deputatı qol tuttı, 73 qarşı oldı. Bitaraf 86 deputat oldı.

«Rusiyede bulunğan ukrain mabusları ve Qırımdaki vaziyet» rezolütsiyasında qayd etile ki, esas insan aqları bozuvı içün mesüliyetli olğanlarğa nisbeten sanktsiyalar kirsetilmek kerek.

Bundan da ğayrı, Avropa parlamenti Qırımnıñ Ukrainağa qaytarılması meselesiniñ Avropa birliginiñ iştiragi ile muzakere etilüvi içün halqara muzakerelerniñ teşkil etilüvi imkânını baqıp çıqmasını rica ete. İşbu muzakereler halqara içtimaiy uquq, insan aqları ve halqara printsiplerine esaslanacaq, dep bildire «Qırım.Aqiqat».

Avdetniñ evel bildirgenine köre, mart 15-te Avropa parlamentiniñ matbuat merkezinde Bağçasarayda qaçırılğan Ervin İbragimovnıñ babası Umer İbragimov, «fevral 26» işi boyunca yaqalanğan Mustafa Degermenciniñ babası Bekir Degermenci, bunen beraber, Qırım adliyecisi Emil Kurbedinovnıñ iştiragi ile matbuat konferentsiyası keçirildi.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET