Rejissör Ernes Sarıhalil prezident grantını aldı

14.04.201715:25

Belli qırımtatar rejissörı ve operatorı Ernes (Ahmed) Sarıhalil animatsion ve eki oyun qısqa filmini çekmek içün Ukraina prezidentiniñ grantını alğan kino saasında çalışqan üç yaş erbapnıñ arasında oldı.

Ernes (Ahmed) Sarıhalilğa ğalebeni «Mıh» qısqa oyun filmi ketirdi. Bu leyhanı «KrımSOS» cemaat birleşmesi taqdim etti, onıñ prodüseri Tamila Taşeva ola. Leyhanıñ umumiy büceti ve beklenilgen grant 110 biñ grivnanı teşkil ete.

Umumen olaraq, terkibine Ukraina Kinematografistler milliy birligi reisi Taras Tkaçenko kirgen ekspert komissiyasına çeşit türlü ve janrlı doquz leyha taqdim etildi, olarnıñ arasında üç ğayrı oyun, dört oyun ve eki animatsion filmi oldı.

Komissiyanıñ fikrince, bu leyhalarnıñ obrazları parlaq, mevzusı aktualdır, dep bildire «Telekritika».

Operator, rejissör, çalğıcı ve yırcı Ernes Sarıhalil «Mustafa» filmi ve Elvira Sarıhalilniñ «Geceler, uzun geceler» yırına kliplerniñ rejissörı ola, qaysı birileri içün Meydan-FM klip yarışında ğalebeler qazandı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET