Keriç memuriyetiniñ yañı yolbaşçısı tayinlendi

28.04.201716:35

Keriç şeer şurası yañı yolbaşçısını sayladı, bu vazifege Keriç şeer yolbaşçısınıñ muavini Sergey Borozdin tayinlendi.

Bu aqta apel 28-de Qırım kütleviy haber vastaları bildire.

«Argumentı nedeli Krım» neşriniñ malümatına binaen, konkurs komissiyasınıñ rusiyeli reisi İgor Mihayliçenko eki namzetni taqdim etti. Bu vazifege Keriç şeer yolbaşçısınıñ daa bir muavini Nikolay Zotov namzet olaraq kösterildi, lâkin o, deputatlarğa Borozdinni saylamağa teklif etti, ve qayd etti ki, Borozdin şeer meselelerini daa tafsilâtlıca bile.

Neticede, deputatlarnıñ rey bergenlerine binaen, Keriç memuriyeti yolbaşçısı vazifesine Sergey Borozdin saylandı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET