Qırımtatar faalini kütleviy haber serbestligini suistimal etkeni içün mahküm etecek olalar

24.05.20178:40

Qırımnıñ İçki (Sovetskiy) rayonı sakini Rustem Mennanov Rusiye Memuriy qanun bozuvı aqqında kodeksiniñ 13.15-ci maddesi 2-ci qısmına (kütleviy haber serbestligini suistimal etüv) binaen qabaatlana.

Bu aqta qırımtatar milliy areketi faali Nariman Celâl Facebook saifesinde yazdı.

Onıñ sözlerine köre, Mennanov 2016 senesi noyabr ayında Mustafa Cemilevni doğğan kününen hayırlav beyanatında Rusiyede yasaq etilgen Meclisni añğanınen qabaatlana.

«Rustem Mennanov protokolnı imzalamaqnı red etti, bunıñ içün İçki işler rayon bölüginiñ hadimi şaatlarnı çağırdı. Protokol mahkemege teslim etilecek», – dep añlattı Celâl.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET