Peterburg ve Moskvada qabarcılıqqa qarşı mitinglerde 1200-den ziyade adam yaqalandı

13.06.20179:18

Sankt-Peterburg İçki işler nazirligi bildire ki, narazılıq aktsiyasınıñ 500 iştirakçisi yaqalandı. Resmiy malümatqa binaen, mitingde 3,5 biñ adam iştirak etti.

«OVD-İnfo»nıñ malümatına köre, saat 18:45-ke qadar Moskvada 731 kişi yaralandı. Olar politsiyanıñ 39 bölügine tarqatılıp ketirildi. Aktsiya Moskva akimiyeti tarafından uyğunlaştırılğan edi – vatandaşlarğa Tverskayada şiar ve levhalarsız «kezmege» razılıq berildi. Bunen beraber, Saharov caddesinde miting keçirüvi uyğunlaştırılğan edi.

Aktsiya teşkilâtçısı siyasetçi Aleksey Navalnıy dairesinden çıqqanda yaqalandı.

Yaqalanğanlar arasında bir qaç ecnebiy vatandaş bar. Bunen beraber, çağına yetmegenler yaqalandı. Politsiya hadimleriniñ areketlerine şikâyetler bar – böyleliknen, faal Boris Kantoroviç Timirâzevskiy içki işler bölüginde politsiya hadimi Popkov tarafından cep telefonı içün köteklendi. Bütün yaqalanğanlarğa politsiya telefonlarnı qullanmağa yasaq etti, dep bildire «Novaya gazeta».

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET