Qazahistanda keçirilgen festivalde Ukraina haritası Qırımsız kösterildi (FOTO)

14.06.201712:35

Astanada (Qazahistan) keçirilgen art-festival çerçivesinde üstünde çeşit ülkelerniñ bayraqları ve timsalleri kösterilgen 84 eykel yerleştirildi, olarnıñ arasında Qırımsız Ukraina haritasını da körmek mümkün oldı.

Bunen beraber, Qırım Rusiye Federatsiyası haritasında peyda oldı. Haritalar, ihtimal, mahsus RF prezidenti Vladimir Putinniñ Astanağa ziyaretinden evel yapıldı.

«Em de körüne ki, haritalar yanıdan yapıldı. Ve, ihtimal, bu, Şanhay işbirlik teşkilâtı sammitinden evel yapıldı, bu yerge Astanağa Putin kelgen edi, amma başından eykellerde devletlerniñ haritaları doğru kösterilgen edi», – dep bildire «Televizion haber hızmeti».

Ukraina Tışqı işler nazirligi endi Qazahistanğa nisbeten narazılıq beyanatını azırlay.

«Şimdiki vaqıtta yüksek devlet seviyesinde Kiyevde bu mesele baqıla. Qazahistan tarafına haber etildi ve bu meseleni çezmek muracaat etildi. Bu teşebbüs kimniñ olğanı şimdilik belli degil», – dep ilân etti Qazahistan Cumhuriyetinde Ukraina meseleleri boyunca vaqtınca mesüliyetli olğan Vladimir Cicora.

İçtimaiy ağlarda Facebook, VkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET