Hersonda Qırım tip universiteti peyda olacaq

13.07.20179:35

Herson vilâyeti ükümeti bu yerde tip universitetiniñ açıluvınen bağlı faaliyetni alıp barmağa başladı. Aliy oquv yurtu içün odalar endi ayırıldı – plan boyunca, memuriy bina ve nazariye kafedraları içün «İzumrud» şirketiniñ binası qullanılacaq.

Doquz qatlı binada Georgiyevskiy adına Qırım devlet tip universiteti yerleşecek, dep bildirdi Herson vilâyeti devlet memuriyetiniñ matbuat hızmeti.

Bu yerge öz ocalarını celp etecekler. Bunen beraber, yañıdan teşkil etilecek Herson tip universitetinen işbirlik tutacaq devletniñ diger tibbiy aliy oquv yurtlarınıñ professorları ile añlaşmalar tizildi.

Herson vilâyeti gubernatorı Andrey Gordeyev emin ki, yañı universitet devlet müessisesi olmalı.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET