Qarasubazar (Belogorsk) rayonınıñ Üç Köz (Novoklynovo) köyünde qırımtatarlar yaşağan evde tintüv olıp keçti.
Alınğan malümatlarğa köre, polisler qorantadaki bütün erkeklerni alıp kettiler. Tintüv vaqıtında olar özlerini qaba alıp bara, evdeki ballarnı qorquttılar.
«Belogorsk rayonındaki olıp keçken tintüv bitti. Qorantanıñ bütün erkeklerini alıp kettiler. Bir tatamıznı da alıp ketecek ediler, amma soñra fikirlerini deñiştirdiler. Sorğuğa çağırırlar dep ayttılar. Ballar pek qorqtılar. Polisler özlerini qaba alıp bara, qadınlarnı qorquta ediler. Telefondan bir kimsege haber bermesinler dep, laf etmege bile izin bermediler», – dep qayd etti Lilâ Osmanova.
Hatırlatamız, tünevin, 9 avgust künü İslâm-Terek (Kirovskoye) köyünde yaşağan Umer Emiramzayevniñ evinde tintüv keçti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
