Qırımda tsement bitti

26.08.20177:54

Qırımdaki qurucılıq tükânlarında ve kötere bazalarında tsement bitti.

Bu malümatnı «Krımhaber» bildirdi.

Anbarlarda, ne Bağçasaray zavodında yapılğan Qırım tsementi, ne de «Novorostsement» şirketi tarafindan ketirilgen soyu bar.

Şimdiki vavaqitta, tsement, Qırımnıñ eñ balaban tükânı «Novatsentr»de de yoq.

«Bügün tsement yoq, belki, üyleden soñ olur. Bağçasaray tsementi, bir çuval fiyatı 160 ruble», — dep bildirdiler tükânda.

«Tsement yoq. O paromda tura – onı yibermeyler. Bazarertesi künü olacaq», — dep ayttı Kefe tsement bazasınnıñ işçisi.

Tsement qıtlığı peyda olğanı içün, satlıqta qalğan tsementniñ fiyatı pek köterildi. Yani 150 – 160 rubleden 200 – 220 rublrge köterildi.

Bağçasaraydaki «Stroyindustriya» zavodınıñ temsilcisi haber etkenine köre, çıqarılğan tsement miqdarınıñ azlaşması bu zavodnıñ bir ocağı toqtamasınen bağlıdır.

Novorossiysk tsementiniñ azlaşması ise, paromdaki nevbetlernen bağlıdır, dep tahmin etile.

Tsement yetişmemezligi qurucılıq şirketlerinde de bir sıra problemler çıqarğandır. Bu aqta balaban «Vladograd», «İnterstroy», «Monolit» şirketleri haber etti.

Qurucılar, endi bir qaç aftadan berli tsement qıtlığı olğanını bildireler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Автор: Редакция Avdet

Редакция AVDET