Aqmescit şeer memuriyetiniñ başı istifağa ketti

30.08.201713:20

Aqmescit memuriyetiniñ başı Gennadiy Baharev istifağa ketti.

Bu haberni, özüniñ Facebook sayifesinde Sergey Aksönov bildirdi.

«Yañçıq (Salı künü, — muarriyet qayd ete) Aqmescit şeer memuriyetiniñ başı, Gennadiy Baharev, sağlığı olmağanı sebebinden, istifağa ariza yazdı. Onıñ vazifelerini, vaqtınca, şeer memuriyet başınıñ muavini Aleksandrova Galina Viktorovna eda etecek».

Ondan da başqa, işten ketme arizalarını şeer memuriyet başınıñ muavinleri Aleksandr Ovdiyenko ve Yüriy Tur yazdılar.

Avdet haber etkeni kibi, Sergey Aksönov Kefe (Feodosiya), Cankoy, İslâm Terek (Kirovskoye) ve Qurman (Krasnogvardeyskoye) şeer ve qasabalarınıñ başlıqlarını deñişecegi aqqında aytqan edi.

Hatırlatamız, bu afta içinde Sudaq memyriyetiniñ yañı başlığı olaraq Andrey Nekrasov tayin etildi. Ondan evel Nekrasov Sudaq  memyriyet başlığınıñ muavini ve baş mimar vazifelerini eda ete edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Автор: Редакция Avdet

Редакция AVDET