Qırım mahkemesi «Hızb ut-Tahrir» işi boyunca Aqmescitte yaqalanğanlarınıñ şikâyet arizalarını red etti.

31.08.201712:01

Qırımnıñ Yuqarı mahkemesi 30 avgust künü «Hızb ut-Tahrir» işi boyunca Aqmescitte yaqalanğanlarınıñ – Ayder Saledinov, Rustem İsmailov, Uzair Abdullaev, Teymur Abdullaev ve Emil Cemadenovlarğa şikâyet arizalarını red etti.

Mahkeme şu beş insannı apiste qaldırdı.

Hatırlatamız, 9 avgust künü Aqmescitniñ (Simferopol) Kiyev rayon mahkemesi Ayder Saledinov, Rustem İsmailov, Uzair Abdullaev, Teymur Abdullaev ve Emil Cemadenovlarğa apiste bulunma muddetini uzattı.

Olar episi Rusiyede yasaqlanğan «Hızb ut-Tahrir» teşkilâtınıñ azaları olğanlarında şekleneler.

Şeklengenler Aqmescit civarında yerleşken köylerde yaşaylar: Uzair Abdullaev, Teymur Abdullaev ve Ayder Saledinov – Mamaqdan (Strogonovka), Emil Cemadenov ve Rustem İsmailov – Boğurçadanlar (Kamenka).

Taqıqatçılarınıñ bildirgenlerine köre, Teymur Abdullaev Qırımdaki «Hızb ut-Tahrir»niñ teşkilâtçısı olaraq qabaatlana. Teymur Abdullayev 205.5 maddesiniñ 1-ci qısmı , Uzair Abdullayev, Rustem İsmailov, Ayder Saledinov ve Emil Cemadinov 205.5 maddesiniñ 2-ci qısmı boyunca qabaatlanalar.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

 

Фото аватара

Автор: Редакция Avdet

Редакция AVDET