Naberejnıye Çelnı seerinde, mektep talebeleriniñ ana – babalarına, messencer arqalı, mecburiy şekilde tatar tilini ogretilmesinden vazgeçilmeleri aqqında haber keldi.
«Mektep reberiyetinden talap etiñ, ballarıñıznı, oquv planlarında tatar tili olmağan programma boyunca oqutsınlar! Eger balañız aftada eki saat ana – rus tilini ogrenip de, altı saat tuvğan olmağan tatar tilini ogrengenini istemeseñiz, tatar tilinden red etmek içün arizalar yazıñız», — dep qayd etile haberde.
Mektepte toplantılarda muqayt olmaları içün, ana – babalarnı tenbiyediler, imza atacaq vesiqalarına diqqatlıqnen baqmalarını ve iç bir şeyge qol qoymamalarını ayttılar.
«Müdir ve ocalarnıñ laflarına baqmañ – tuvğan olmağan tilden red etiñ (dersler, saatler qısqartılması degil de, umumen yoq etilmesini talap etiñ)», — dep ayta belli olmağan müellifler.
Malüm olmağan müellifler, Rusiye prezidenti Vladimir Putinniñ emirine atıf etip, Tataristanda, rus ballarınıñ aq – uquları ne şekilde kütülgenini prokuratura teşkerecegini bildirdiler, dep haber ete Chelny-biz.ru.
Avdet haber etkenine köre, Rusiye prezidenti Vladimir Putin, ballarğa region tillerini mecbur şekilde ogretmelerine qarşı çıqqanını, bildirgen edi.
Hatırlatamız, Qazanda ballar endi yigirmi yıldan berli, bütün tatar konstitutsiyasınıñ sert qanunlarına binayen, aftada altı saat tatar tilini ve altı saat rus tilini ogrene ediler.
Tatar tilini ogrenme meselesinen daa tafsilâtlıca, bu yerde tanış ola bilisiñiz.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız
