Sudaq sakinlerine sel yapqan zararını ödeycekler

09.09.201717:27

Sudaq ve İslȃm – Terek (Kirovskoye) rayonlarınıñ sakinlerine, avgust ayında yüz bergen selden soñ, 2,6 million ruble tazmin aqçalarını töleycekler.

Bu aqta Qırımnıñ nazirler Şurasınıñ emirinde bildirile.

Sudaq büceti 1,6 million ruble, İslȃm – Terek hazine idaresi ise, 1 million ruble alacaqlar. Paranı nazirler Şurasınıñ yedek fondundan ayıracaqlar.

Avdet haber etkeni kibi, avgustnıñ 18 den 19 keçer gecesi, dağlardan tüşken sel, Sudaqta mesken evlerni bastı, arabalarnı, yoldan yüzüm bağçalarına alıp ketti, bir qaç maşnanı ise, deñizge çıqardı.

Fevqulȃde nazirliginiñ hadimleri 76 adam tahliye ettiler, olarda 23 bala. Üç meskün yer yarıqsız qaldı.

Fevqulade vaziyeti neticesinde peyda olğan zararlarnı yoq etme işleri, bütün gece devam etti.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET