Ocalarğa ne vaqıt aylıqlar köterilecegini Aqmescitte aytıp berdiler

15.09.201710:47

Aqmescit ocalarına 2018 senesi aylıq maaşlarını köterecekleri aqqında vade berdiler. Paralar, Rusiye prezidentiniñ emirine binayen, şeer bücetinden ayırılacaq.

Bu haberni, maliye departamentiniñ başlığı Viktoriya Nadolinskaya bildirdi.

Onıñ aytqanlarına köre, Putin mayısta çıqarğan emirlerine binayeyn, Qırım ocalarına aylıqlar köterilmek kerek. Bu niyetnen, şeer bücetinden 25,3 million ruble ayırılacaq.

Qayd etmek kerek ki, 2017 senesiniñ bücetinde, ocalarğa qoşma yardım etmek içün de paralar ayırıldı. Celp etmek niyetinen, birinci üç yılını Aqmescitte çalışqan, genç mütehassıslarğa, şeer bücetinden er ay maaşlarına qoşma olaraq, daa 5 biñ töliler.

Qırım ocalarınıñ aylıqları, qararnen 25 biñ ruble. Bu seviyege daa, tek qoşma dersler alıp barğan ocalarınıñ aylıqları yetmey.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET