Qırumtatar faaleri, «Qırım marafonı» çerçevesinde birinci para cezasını ödediler

15.09.201718:00

14 sentâbr künü Bağçasarayda «Qırım birdemligi» teşkilâtiniñ faalleri, «Qırım marafonı» çerçevesinde keçirilgen aktsiyasında Zarema Umerovanıñ para cezasını tölediler.

Hatırlatamız, Qırım mahkemesi Zarema Umerovağa, Rusiyeniñ cinayi kodeksiniñ 282 maddesi boyunca, para cezası ükümini bergen edi. Bu ceza oña, Facebook saifesinde Ukraina tarafdarlığı olğan haberler ile paylaşqanı içün berilgendir. Para cezasınıñ kölemi 300 biñ ruble teşkil etkendir.

Saba faaller, Bağçasaray rayonınıñ mahkeme pristavları bulunğan bina yanında toplandılar, dep haber ete «QırımAqıqat».

«Bizler birinci cezanı ödemek içün, hazine idaresiniñ yanına keldik. 300 biñ miqdarındaki ceza parasını, kâpik şeklinde kedirdik – onıñ çekimi 135 kilо oldı. Bu qopqalarda ve torbalardaki paralarğa baqqanda keyfiñ guzelleşe, çünki er bir kâpikniñ arqasında bir adam tura. Böyleliknen, biz özlerimizniñ birligimizni kösterdik, yani bu problema bir insannıñ probleması degil de, bütün  halqnıñ qayğısıdır», — dep ayttı Dilâver Memetov.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET