Fevqulâde nazirligi Qırımda yel quvetleşecegi aqqında haber ete

25.09.201717:29

Qırımda 26 sentâbrden 29 sentâbr künlerine qadar,  yel quvetleşecegi sebebinden, furtuna havfı ilân etildi.

Bu haberni Qırımnıñ fevqulâde nazirliginiñ matbuat hızmetinde bildireler.

«Gidromettsentr bildirgenine köre, 26, 27, 28, 29 sentâbr künleri, Qırımda pek küçlü, saniyede 22 – 27 metr küçlüginde, şimaliy – şarqiy rüzgâr esecek», — deyler haberde.

Hadimlikte, sakinlerni muqayt olmalarına cağırdılar, pencere ve qapılarnı sıqı qapatıp, balkonlardan tuturılmağan şeylerni almalarına rica ettiler. Ondan da başqa yolda yerleşken işaretler ve elektrik ağları altında yürmemelerine celp ettiler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET