K. Sobçak Qırımda yañı referendum keçirmege teklif ete

28.10.201711:24

Kseniya Sobçak, Qırımda 2014 senesi keçirilgen referendumnı qanunsız, dep belgiledi. Ve yarımadada yañı seçimler keçirmege teklif etti.

Bu aqta alıp barıcı, Yekaterenburgta öz tarafdarlarınen körüşüv vaqtında haber etti.

«Bu krizisten çıqma yollarını, men tek er noqtayi nazarnı köstergen yañı referendum keçirilmesinde körem. Büyük agtatsiya ve çet közeticiler celp etilmek kerek, soñ kompromiss olur. Halqara añlaşmalar bozulğanı içün kompensatsiya da kerektir», — dep teklif etti Kseniya Sobçak.

Saylavlar ögünde keçirilgen agitatsiya zamanında Qırımğa kelmeycegi aqqında da ayttı.

Hatırlatamız, Kseniya Sobçak, 24 oktȃbr künü Rusiye prezidenti saylavlarına azırlıq programması devamında, Rusiye, Qırımnıñ statusı boyunca öz vazifelerini bozğanını ayttı. Amma Qırım meselesini muzakere etmek kerek, çünki yarımadada «pek çoq ruslar yaşay».

«Halqara qanunğa köre, Qırım – Ukrainanıqı. Vesselȃm», — dedi Sobçak.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Автор: Редакция Avdet

Редакция AVDET