Rusiyede tariqatçılarnı ana – baba aqlarından marum etecekler

18.11.201715:18

Rusiyeniñ Yuqarı mahkemesinde devlette olğan mahkemelerge, eger de insanlar devlet qanunları tarafında yasaqlanğan sektalarğa kire olsalar ve o tariqatlarğa ballarını da celp ete olsalar, böyle insanlarnı ana – baba aqlarından marum etmek kerek olğanını ayttılır.

Bu aqta aq – uquq ve mahkeme haberleri boyunca Rusiye agentligi haber ete.

Yuqarı mahkemede qayd etkenlerine köre, ana – babalar, ballarını sektatalarda iştirak etmege mecburlap, öz aqlarınen suistimal eteler. Onıñ içün, ballarnı böyle aylelerden qorumaq kerek.

Böyle areketler, ana – babalar, ballarını tilenmege, qumar oynamağa, bıralqılanmağa mecbur ete olsalar, qullanmaq kerek, dep qayd ettiler Yuqarı mahkemede.

«Ana – babalar aqlarını suistimal eteler, degen ibare altında, bu aqlarını balağa qarşı qullanılğanı nazarda tutıla. Meselâ, oqumağa izin bermeyler, qumar oynamağa alıştıralar, bıraqıllıqqa, tilenmege, qırsızlamağa, faişellikke, alkogol qullanmağa celp etmeleri. Narkotik ve başqa yasaqlanğan şeylerni, aqılnı dumanlatqan ilâclarnı qullanmalarına yol qoymaları, devlette yasaqlanğan cemaat, ya da diniy teşkilâtlarnıñ işlerine celp etmeleri kibi, zararlar nazarda tutıladır», dep qayd ettiler.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Автор: Редакция Avdet

Редакция AVDET