Сегодня, 15 февраля, ушел из жизни ветеран крымскотатарского национального движения Изет Изединов.
Ему было 83 года, причиной смерти стала коронавирусная инфекция.
Обряд дженазе (похорон) состоится 16 февраля в 12.00 на кладбище Абдал.
Свое участие в национальном движении Изет Изединов начал в 1947 года будучи учеником 5 классе, когда написал письмо И.Сталину, в котором задал вопрос о том, почему все люди живут на своей родине, а крымские татары — в Узбекистане. За это он был избит директором школы.
Изет Изединов родился в 1938 году в районе Балаклавы. Был депортирован из Крыма в возрасте шести лет. В 1957 году, после окончания школы, он поехал в Крым, планируя поступить в Симферопольский сельхозинститут, куда заранее отправил документы. Но его туда не приняли, вернув документы обратно. С этого момента начались активные шаги Изединова в национальном движении. Он участвовал практически во всех митингах и акциях протеста в Ташкенте и Москве. В 1990 году Изет-агъа вернулся Крым, где продолжил борьбу за права своего народа.
Тазие
Эльвида, Изет агъамыз
Халкъымызгъа буюктен-буюк зарар ве аджджы джоюкълар кетирген джиан тадж маразы, сафларымызгъа невбеттеки кере токъунып, арамыздан, яшына коре энъ фааль ве чокъ тендюрист, сагълам инсан, атешин миллетсевер агъамызны чекип алып кетти.
Бу демеси, 15-февральнинъ сабасы Изет агъа Изедин эки бучыкъ афта яткъан хастанеден, онынъ юреги даянмайып, урувдан токътагъаны, джумле якъынларыны ве сайысы юзьлернен достларыны терен къайгъы ве теэссюфлерге быракъкъаны акъкъында агъыр хабер кельди.
Изет агъанынъ Миллий арекетимиздеки ери даима айры, корюмли ве гъает семерели эди. О, 73 йылдан сонъра (1991) Экинджи Миллий Къурултайымызны гъайрыдан мейдангъа кетирмекнен огърашкъан нуфузлы тешкилий группагъа киреяткъанда, Къырым давасына къошулгъанына энди 30 йылдан зияде олып, баягъы теджрибе саиби сыфатында белли эди.
Асылында, онынъ акъсызлыкъкъа ильк итиразлары даа мектеп чагъындан – 1951-52 сс. «халкълар бабасы»на мектюп язып ве не ичюн догъмуш Къырымында онъа яшамагъа ясакъ, деп сорагъанындан башлангъан эди…
Изет агъа Изедин огълу 1938 сенеси 23-февральде, Къырымнынъ къою дагъ тарафында – мемурий джеэттен Акъ-Яргъа бакъкъан ве дженктен сонъ ер юзюнден силинген Чамлы-Озенбаш коюнде, чокъ (он) балалы къорантада дюньягъа кельди. Джинаий сюргюнлик нетиджесинде о къоранта Ташкент виляети Акъ-Къургъан районына тюше ве мында сагъ къалмакъ ичюн куреше.
Мектепни битирген сонъ Изет 1957 с. тырышты Къырым кой ходжалыгъы институтына кирмеге, амма олмады. Онынъ ерине Ташкентте техникум ве, сонъра, политехника институтыны битирди, къуруджы олды. Бу саада юксек ёлбашчылыкъ, шу джумледен, трест идареджиси вазифесынде чалышты.
Бунынънен берабер, 1960-80-нджы сенелери Миллий арекетте фаалиет косьтерди, Джеббар Акимов, Мустафа Селимов киби етекчилернен сыкъ багъ тутты, оларнынъ авалелерини беджерди. Дефаларджа Москвада олып, андаки месуль мемурларнен корюшти, сафдашларынен берабер халкъымызнынъ талапларыны сеслендирди.
Миллий Къурултай къурумы тикленильген сонъ Изет агъа бир къач кере онынъ мебусаны оларакъ сайланылды. Сонъки отуз йыл ичинде отькерильген джумле сиясий акцияларда, шу джумледен, тарихкъа «портакъал тюс инкъилябы» адынен кирген вакъиаларда чокъ фааль иштирак этти. Анда бутюн мемлекеттен топлангъан джемааткъа къырым халкъынынъ макъсатларыны анълаткъанлар арасында олды.
Меркезий Сайлав комиссиянынъ даимий азасы оларакъ Бешинджи ве Алтынджы Миллий Къурултай сайлавлары мувафакъиетли отькерильмесинде онынъ иссеси салмакълыдыр. О, кой-къасабаларда ватандашларымызнен мунтазам суретте корюшип турды, тешвикъат ве тешкилий ишлерини усанмай алып барды.
2014 с. сиясий денъишмелерини И. Изединов бир фаджиа киби къабул этти. Халкъара укъукъ къанунджылыгъы укюм сюрмесини талап эткенлер арасында олып, 26-февраль, 3-майыс, 18-майыс ве дигер кутьлевий тедбирлерде фааль иштирак этти. Озюнинъ бу джеэттен бакъышларыны о, ич де гизлемей ве фикирлерини сёйлемекте эди.
Шу девирде де башлагъан ве йылларнен девам эткен сонъусыз сиясий махкемелерге эр вакъыт барып, режим тарафындан буюк апис муддетлерге джезалангъан ватандашларымызгъа даимий суретте озь гонъюльдешлигини бильдирип, къолундан кельген ярдымыны этип турды.
Изет агъа «Биз – къырымлар! Мы – крымцы!» къалын колемли тарихий-сиясий джыйынтыкънынъ тертип этиджилеринден биридир (2007), мешур джебе кынооператоры Кеннан Кутуб-заденинъ хатырасыны эбедийлештиргенлерден биридир. Корюмли эрбабымыз М. Селимовнынъ хатырлавлар джыйынтыгъы чыкъмасынынъ тешеббюсчисидир. Онынъ бу саадаки хызметлери де чокъ къыйметлидир.
Изет агъа, онынъ бильгенлер, оны озь досту сайгъанларнынъ хатырасында муляйим, алчакъгонъюлли, кулеръюзьлю, гъает атик, даима янъы файдалы гъаелер ве буюк планлар иле толу яшап кельген, джесюр миллетпервер инсан оларакъ яшайджакътыр. Ойле вакъыт келир, онынъ ады къайсы бир сокъакъкъа берилир эм де о, озь къолунен къургъан ве сонъки 30 йыл яшагъан эвинде Хатыра тахтасы къоюлыр, чюнки бунъа ляйыкътыр.
Изет агъа Изединов вефат эткени мунасебетинен онынъ къызларына, торунларына, джумле сой-акърабаларына терен ве самимий тазие бильдирип, тюкенмез сабырлар ве баш сагълыгъы тилеймиз.
Мерхум агъамыз Алланынъ рахметинде олсун.
Меркезий Миллий къурум, Меркезий Сайлав комиссион ве Тефтиш Комиссион азалары, достлары, сафдашлары.
