Bu afta Qırımda yağmurlarnen başlanacaq.
Qırım gidrometeorologik merkeziniñ malümatına binaen, yarımadada şiddetli, bazı yerlerde pek şiddetli yağmurlar, boranlı yağmurlar, burçaq ve saniyede 15-20 metr suratınen esecek yel beklenile.
Aqmescitte (Simferopol) mayıs 22: bulutlı ava olacaq, şiddetli yağmur, bazı yerlerde boranlı yağmur yağacaq, ava arareti gece +7+9, kündüz +16+18 dereceni teşkil etecek. Salı künü, mayıs 23-te de deñişici bulutlı ava beklenile, bazı vaqıtları yağmur, kündüz bazı yerlerde şiddetli, boranlı yağmur, burçaq yağacaq, saniyede 7-12 metr suratınen şimal-şarqiy yel esecek, ava arareti gece +6+8, kündüz +14+16 dereceni teşkil etecek. Çarşenbe künü de ava aynı olacaq.
Aqyarda (Sevastopol) bazarertesi künü bazı vaqıtları yağmur, em de boranlı yağmur yağacaq, saniyede 5-10 metr suratınen yel esecek, ava arareti gece +9+11, kündüz +15+17 dereceni teşkil etecek. Salı künü ava aman-aman aynı olacaq. Çarşenbe künü ise, ava bulutlı olacaqtır, yağanaqlar olmaz, ava arareti gece +11+13, kündüz +17+19 dereceni teşkil etecek.
Keriçte mayıs 22: deñişici bulutlı ava beklenile, saba ve kündüz yağmur yağacaq, saniyede 5-10 metr suratınen cenübiy yel esecek, ava arareti gece +9+11, kündüz +16+18 dereceni teşkil etecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.