Qırımtatar yaşları er sene iyün 26-da qayd etilgen Milliy bayraq kününe azırlanıp başladı.
Bu sene bayram merasimleri MİLLET! VETAN! QIRIM! ve Qardaşlıq gençler teşebbüs taqımları tarafından teşkil etile.
Bu sene Bayraq künü Oraza bayramınıñ ekinci kününe kele.
Teşkiliy komitetniñ bildirgenine köre, bu sene, keçken sene kibi, Qırımda kütleviy merasimler keçirilmeycek. Bir yıl evel kibi, milliy qıymetler, qırımtatar bayrağı ve Qırımtatar bayrağı kününe bağışlanğan «Bilgi quvetı» oyun-kvesti teşkil etilecek.
Bundan da ğayrı, teşkilâtçılar «BAYRAQ-RİNG-2017» aqıl oyunını keçirmege planlaştıra, dep bildire «Bayraq.info».
Bayraq kününe bağışlanğan «Edebiy Qırım» bala video yarışı ilân etildi. İştirakçiler ana tilinde şiir oqumalı.
Foto: Eskender Useinov
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.