İyül 29-da Aqmescitte (Simferopol) «Açıq yürekler» qırımtatar göñüllileri taqımı «Balanıñ elinen merametlik» hayriye master-klassını ve hayriye yarmalığını teşkil etti.
Merasimde fes, teriden yapılğan ayaqqap tikişi, akvagrim, ebru, skrapbuking, dekupaj, aş pişirme, kekslerni mastikanen yaraştırma, mehendi, çölmekçilik ve diger ustalıqlar boyunca master-klasslar berildi.
Qırımtatar göñüllileriniñ bildirgenlerine köre, bu sefer 43 biñ 650 ruble cıyıp oldılar. Cıyılğan para hasta balalarnıñ tedaviylenüvine ve muhtac olğan qorantalarğa teslim etilecek.
Foto: «Açıq yürekler»
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.