Medeniyet- dünya elçisi: qırımtatar delegatsıyası Azerbaycanda.

11.05.20160:19

19- 24 dekabr künleri Qırımtatar akademik muzıkalı drama teatriniñ truppası Azerbaycanda bulunıp, azerbaycan yazıcısı Elçin Efendiyevniñ ‘Şekspir’ pyesası esasında qoyulğan , ‘Hasta göñül’ spektakln numayiş etti.

Spektakl eki kere Azerbaycan devlet milliy drama teatriniñ sanasında Bakuda ve bir kere Sumgayıtte kösterildi.

Teatrimizniñ bediy rehberi Bilãl Bilãlovnıñ aytqanına köre, er bir spektakl büyük anşlagnen keçti. Premyerasında pyesanıñ muellifi, Azerbaycannıñ halq yazıcısı, ve ilk vitse-baş naziri Elçin Efendiyev şahsen de bulundı. Spektaklniñ rejissöri, Rinat Bektaşevniñ aytqanına köre, Elçin spektaklni pek begenip, sanlaştıruvnı onıñ eserlerine qoyulğan eñ güzel spektakl dep adlandırdı.

Belli olğanı kibi, Azerbaycanda qırımtatar delegatsıyasına rehberlik etken Remzi İlyasov azerbaycan hükümetiniñ vitse- naziri Elçin Efendiyev, halq deputatı, yazıcı Gusey Panahnen ve digerlerinen bir sıra körüşüvler keçirdi.

Ziyaretniñ esas neticesi şu oldı ki, azerbaycan ve qırımtatar tarafları arasında qardaş munasebetler quruldı ve meeniy tecribe ile almaşuvlar şekillendi. ‘evelden Azerbaycan tarafı qırımtatar problemleri haqqında tek umumiy tarzda bilse, şimdi daha yaqınca tanış ola. Qırım ve Azerbaycanda yer alğan körüşüvlerniñ neticesinde olar bizge yardım kerek olğanını añladılar. Bu munasebetlerniñ soñ neticesi olaraq Azerbaycannıñ qırımtatarlarğa yardımı olacağına ümüt etemiz.’ R.İlyasov ‘Avdet’ke bildirgenine köre, o, büyük türk medeniy merkez, qırımtatar tilinde oqutılğan mektepniñ, qırımtatar teatriniñ qurulması kibi işbirliklerni teklif etti.