2019 senesi, Rusiyede araba nomerleri deñişecek

08.09.201717:51

2019 senesine Rusiyede araba nomerleriniñ şekili deñişecek. Russtandart, içki işler nazirliginen beraber, araba nomerlerine başqa şekil berilmesi meselesi üstünde çalışıp başladı.

Şekil deñişecegine baqmadan gizlengen malümat deñişmeycek.

Şimdiki devlet standartı 1993 senesi qabul etilgen edi, onıñ içün deñişmeler, çoqtan kerek. Bizge, endi, bayağı vaqıttan berli sayı ve arif işaretleri yetişmey.

Ondan da başqa, Rusiye araba bazarları, Yaponiya ve Amerika maşnalarınen toldı, olarda ise, nomerler tutturılacaq yerleri bam – başqa.

Nasıl deñişmeler keçirilecek: mototehnika içün nomerlerniñ şekili ufaqça olacaq, Yaponiya ve Amerika arabalarına nomer şekilleri deñişecek ve eski ve retro arabalar içün de, ayrı nomerler peyda olacaq.

Evelleri peyda olğan haberge köre, nomerlerden regiyon belgileri yoq etilecek, lâkin onıñ yerine radiyomikroçipler peyda olacaq edi. Amma İçki işler nazirliginde bu haberni red ettiler.

Şimdi eñ müyimi, Rusiye nomerlerini Avropa nomerleri şekiline ketirmektir. Bu işni, çoqusı sabıq sovetler ükümetleri yaptılar. Ondan da başqa, qayde bozuvlarınıñ foto çekme meselelerini de bir tertipke ketirmek kerek. Çünki ecnebiy devletlerden kelgen aydaycılar bu qayde altına tüşmeyler ve istegenleri qadar qayde bozuvları yapalar.

Yañı GOST, 2018 senesiniñ mayıs ayına azır olacaq. Yañılaqlar ve deñişmeler işke tüşürilmesine ise, 3 aydan 18 ay qadar müddet kerek. Onıñ içün bu deñişmeler 2019 senesinden erte ömürge keçirilmez, dep yaza «Коммерсант».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız

 

Фото аватара

Автор: Редакция Avdet

Редакция AVDET