Öleg Zubkov acele şekilde Qırımnı terk etti

22.11.201712:52

Evelleri devletniñ siñirlerini terk etmege mahkeme qararını alğan Öleg Zubkov, Qırım mahkemesinden bu yasaq red etilgeni aqqında vesiqa aldı. Bu qarardan soñ, «Taygan» ve «Skazka» parklarınıñ saibi deral, Qıtayğa uçıp ketti.

Hatırlatamız, Zubkovğa tış devletlerge çıqmağa, «Taygan» parkınıñ toprağında turğan ve çalışmağa izini olmağan «Belıy lev» kafesi içün yasaq etken ediler. O zaman, Zubkov şaşqan edi, beş yıl içinde kafeniñ çalışması kimsede bir sual doğurmadı, amma şimdi, birden bu binanıñ qurulmasına izin vesiqaları yoq eken, onı alıp taşlamaq kerek, degen laqırdılar peyda oldı.

Zubkovnıñ haber etkenine köre, mahkemeniñ nevbetteki oturışı olıp keçti, anda o, yasaq qararına temyiz etti.

«E, men şimdi Cenübiy Çindem. Mahkeme olıp keçti, anda bütün yasaqlarnı lâğu etmege qararını qabul ettiler. Men bütün teşkermelerini ve qayd etmelerini keçip, mında uçtım. Ne Aqmescitte, ne de Moskvada sıñır keçmelerinde iç bir problem yaşamadım», — dep ayttı Zubkov «Argumentı nedeli – Krım» neşirine.

Avdet haber etkeni kibi, Öleg Zubkov, dünyanıñ eñ balaban ayvanat bağçalarından birini Stambul tübünde açmağa istey. Öleg Zubkov türk vatandaşlığını almağa vesiqalarnı berdi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız. 

Фото аватара

Автор: Редакция Avdet

Редакция AVDET