Ukraina Adliye nazirligi Meclisniñ yasaq etilüvi aqqında İnsan aqları boyunca Avropa mahkemesinde dava açacaq ola

10.02.201713:30

Ukraina Rusiyege qarşı İnsan aqları boyunca Avropa mahkemesinde (İAAM) açacaq altıncı dava azırladı.

Ukraina Adliye nazirliginiñ yolbaşçısı Pavel Petrenkonıñ ilân etkenine köre, dava Qırımtatar Milliy Meclisiniñ (Rusiyede mahkeme tarafından 29.09.2016 yasaq etilgen) yasaq etilmesinen bağlı.

Onıñ sözlerine köre, Ukraina soñki üç yıl devamında İAAM-de Rusiyege qarşı endi beş dava açtı, ekişer – Qırımda ve Donbassta insan aqları bozulmasınen qabaatlav ile ve daa bir dane – öksüz balalarnıñ ve saqat balalarnıñ qaçırılmasınen qabaatlav ile, dep yaza «RİA Novosti».

Avdetniñ bildirgenine köre, sentâbr 29-da Rusiye Yuqarı mahkemesi Qırımtatar Milliy Meclisniñ ekstremistik cemaat teşkilâtı olğanını tanıdı ve onıñ faaliyetini Rusiye Federatsiyası territoriyasında yasaq etti.

Aprel 27-de Avropa birligi işbu qararnıñ «umumen olaraq qırımtatarlarnıñ aqlarına ciddiy ücüm» olğanını ayttı.

Amerika Qoşma Ştatları Rusiye Yuqarı mahkemesi tarafından qabul etilgen Meclisniñ yasaq etilmesi aqqında qararnı qanunsız olğanını saya.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET