Rospotrebnadzornıñ talaplarına riayet etmegenleri sebebinden Qırımda 150 mektep qapatıla bile.
Bu aqta Qırım tasil, ilim ve yaşlar nazirliginiñ nazariyet idaresiniñ başı Valentina Boyko bildirdi.
O, bildirgen malümatqa binayen, Qırımnıñ 1214 mektebinden 40% yaqın, yani 443 mektep, litsenziya aldılar. 153 tasil müessisesi ise litsenziya almağa azırlanalar.
«150 mektep ve aman-aman episi qoşma tasil müessiseleri aynı zamanda tehnikiy vastaları azlıq etkeni sebebinden litsenziya alıp olmaylar, yani olar Rospotrebnadzor tarafından menfiy neticelerge nail oldılar», — dedi Boyko.
Litsenziya alıp olmağan episi tasil müessiseleri qapatılacaq, yada olarnıñ faaliyeti toqtatılacaq. Attestatsiya ceryanı kelecek oquv yılınıñ başına qadar yekünlenmek kerek.
