İlmi Ümerovnıñ evinde dua keçirilecek

20.08.201622:43

Qırımtatar Milliy Meclis reisiniñ muavini İlmi Ümerovnıñ evinde avgust 22, bazarertesi künü dua keçirilecek. 

Qırımtatarlar ğayıp olğan,hırsızlanğan ve apis etilgen Qırım musulmanlar içün dua etecekler.

Dua merasimi saat 18-de, Bağçasaray şeeri, Lazurnaua soq., 67 adresi boyunca keçirilecek.

Avdet haber etkeni kibi, Qırımtatar Milliy Meclis reisiniñ muavini İlmi Ümerovnı Avgust 18 künü delihanege yerletirdiler. Rusiye FSB hadimleri onı mecburiy alda psihiatrik ekspertizanıñ keçirilmesi içün alıp kettiler. Ümerovğa seneler devamında alğan ilâclarnı yanına almağa ruhset etmediler.

Hatırlatamız, soñki bir-qaç ay içinde Qırımnıñ farqlı köşelerinde qımımtatarlarnıñ evge qaytmaları ve milletimizniñ amanlığı içün bir sıra dua merisimleri keçirildi.