Evinde tintüv ötkerilgen qırımtatarnı narkoeksperizağa alıp ketmek isteyler

23.08.201617:53

Bugün evinde tintüv ötkerilgen Yedi Quyu (Lenino) köyüniñ sakini Riza Müslimovnı, narkotik ekspertizasına alıp ketmek isteyler.

Bu aqta Avdet yerli rional meclisiniñ reisi Lenur Ablâzimovtan bildi.
Onıñ aytqanına köre, FSB hadimleri Riza Müslimovnıñ tışqı qıyafetini ve özüni nasıl alıp barğanını begenmegenler. Tintüv saba saat 10-da başlanıp, alâ daa devam ete. Müslimovlarnıñ evine kimseni yibermeyler, amma evniñ yanında 25 yaqın semetdeşimiz toplaşqan.

«Meni körüp, (reional meclisniñ reisi olğanınmnı yahşı bileler), subetke davet ettiler. Azbarda polis hadimleri otura ediler, men büyüklerini soradım, evden qarşıma FSB hadimi çıqtı. Men Riza nede şeklengenini soradım, o ise, evde diniy edebiyat tapılğanı ve olar Rizanıñ tışqı qıyafetini ve alını begenmegenleri içün onı ekspertizağa alıp ketmek niyetinde olğanları aqqında bildirdi. FSB hadimi Rizanı yaqalamaycaqlarında söz berdi», — dep ikâye etti Ablâzimov.

38-yaşlı Riza Müslimov arabalarnı tamirley. Onıñ üç balası bar.

Hatırlatamız, Riza Müslimovnıñ evinde ekstremizmnen bağlı materiallarnı qıdıralar.

Фото аватара

Автор: Редакция Avdet

Редакция AVDET