Riza Müslimov FSB hadimlerine iç bir şey aytmadı

25.08.201616:30

Keçenleri evinde tintüv ötkerilgen Yedi Quyu (Lenino) qasabasınıñ sakini Riza Müslimov FSB-ge soravğa davet etildi.

Avdetke belli olğanı kibi, Müslimovnı onıñ evine diniy kitaplar qaydan kelgenini añlatmağa rica ettiler. O ise, öz nevbetinde, Anayasanıñ 51-nci maddesine (insannıñ özüne, ömür arqardaşına, ya da yaqyın soylarına qarşı çıqmamağa aqqı bar) esaslanğan soñ, onı azat ettiler.

Avdet, bildirgeni kibi, avgustnıñ 23-de Riza Müslimovnıñ evinde 8 saat devamında ötkerilgen tintüv. Ekstremistik edebiyatını qıdırğanlarınen bağlı edi. Başta FSB hadimleri Müslimovnı ekspertizağa alıp ketmek niyetinde olğanlarını onıñ yaqınlarına bildirdiler, soñra ise onı evde qaldırıp, FSBke kelmesini mecbur ettiler. Tintüv neticesinde, Müslimovnıñ kompyuter vastaları ve diniy edebiyatı alındı.

38-yaşlı Riza Müslimov arabalarnı tamir ete. Onıñ 3 balası bar.

 

Фото аватара

Автор: Редакция Avdet

Редакция AVDET