«Açıq yürekler» hayriye teşkilâtınıñ azaları Qurban bayramı munasebetinen aktsiya ilân ettiler.
Faalciler para toplap, bayram arfesinde qurban ketirilecek ayvanlarnı satın alacaqlar. Olarnıñ eti bayram künü muhtaclarğa darqatılacaq.
«Eger siz Qurban çalıp, etlerni muhtaclarğa darqatmaq isteseñiz, «Açıq Yürekler»! komandası sizge yardımcı olur», — dep bildirdiler teşkilâtta.
Bu kibi aktsiyalarnı «Açıq yürekler» sıq-sıq ötkere, bu bayram da istisna olmadı.
Episi meraqlanğanlar, 8000 biñ ruble qoyğa, ve 6500 biñge yaqın tuvar etiniñ 1\7 payına berip, aktsiyağa qoşula bileler.
Yardım sentâbrniñ 10-na qadar toplanacaq. Yardım Bağçasaray, Aqmescit ve Qarasuvbazarda yaşağan muhtaclarğa darqatılacaq.
İştirak etmek istegenler
79780355299Niyara
79788347707 Edem
79780199846 Aliye
telefonlar arqalı sualler bere bileler.
