Mektep kündeliklerinde qırımtatarlar basqıcılar dep adlandırılğan

29.08.201613:54

Sentâbrniñ 1-de Qırımnıñ mektep talebelerine bedava berilecek kündelik defterlerinde qırımtatar yarımadada ukrain akimiyet hadimleriniñ lâqaydlığınen faydalanıp, öz başına topraqlarnı işğal etkenleri aqqında haber etile.

Bu aqta özüniñ Facebook saifesinde rusiyeli nesirci Yuriy Hristenzen bildirip, sözlerine isbat olaraq kündelik saifesiniñ resimini yerleştirdi.
Kündelikte Rusiyeniñ bayrağı, devlet tugrası, gimnniñ sözlerinden ğayrı, qısqadan yarımadanıñ tarihı berile.

“1991 seneden — sürgünlik yerlerinden qaytıp kelgen tatar halqı arasında milletçilik duyğysı arta. Başta Qırımnıñ çöl taraflarında, soñki vaqıtta ise cenübiy yalısında topraqlarnı zapt etmege tırışalar. Bütün bu areketler ukrain akimiyetiniñ lâqaydlığı ve türkiyeden kelgen maddiy yardım esabına yapıla”, – denile Qırım mektep talebeleri içün azırlanğan kündeliklerde.