Qırımnıñ Yuqarı mahkemesi «Hizb ut-Tahrir» teşkilâtında iştirak etkeni içün qabaatlanğan Qırım musulmanı Müslim Aliyevniñ işi boyunca appelâtsion şikâyetniñ baqılmasını başqa künge keçirdi. Mahkeme toplaşuvı taqiqatçı kelmegeni içün başqa künge keçirildi.
Bu aqta özüniñ Facebook saifesinde «Qırım birdemligi» cemaat gruppasınıñ azaları haber ete.
Nevbetteki toplaşuv sentâbrniñ 6-da saba saat 10-da ötkerilecek.
Avgustnıñ 28-de Müslim Aliyevniñ evi yanında dua ötkerildi.
Hatırlatamız, keçenleri «Hizb ut-Tahrir» işi boyunca qabaatlanğanlarnıñ birinde qızı doğuldı.
Avdet,bildirgeni kibi, Müslim Aliyevniñ 83-yaşlı babası soñki yarım yıl devamında oğlunı tek bir kere parmaqlıq artına kördi, amma onıñ ile laqırdı etip olamadı. Nuri-qartbaba o daa sağ ekende oğlu apshaneden çıqqanını arz ete.
Hatırlatamız, 2016 senesi fevral 11-12 künleri Rusiye silâlıları Qırım musulmanlarınıñ evlerinde bir sıra tintüvler keçirip, olarnı yaqaladılar. Episi olıp 14 adam yaqalanğan edi, olardan 4: Emir-Üsein Kuku, Enver Bekirov, Müslim Aliyev ve Vadim Siruk apshanede bulunmaqtalar
