Bugün, sentâbrniñ 3-de,Meclis reisiniñ muavini İlmi Ümerovqa birdemlik köstermek niyetinen #StopKillingIlmiUmerov aktsiyaları Avropanıñ çeşit şeerlerinde ötkerildi.
Böyle etip, ruhiy hastalar dispanserinde mecburiy bulunğan qırımtatar faalcisine öz destegini Varşava, Berlin, Riga, Lüblâne ve Kiyev şeerleriniñ sakinleri bildirdiler.
Varşavada faalciler Rusiyeniñ elçihanesi yanında toplandılar.
Latviya paytahtınıñ merkezinde Riganıñ sakinleri İlmi Ümerovqa öz destegini numayış ettiler.
Sloveniyadaki Ukrain elçihanesiniñ hadimleri Rusiye akimiyetinden Qırımdaki siyasiy mabüslerni azat etmelerini talab ettiler.
Berlinde de #StopKillingIlmiUmerov aktsiyasına qoşuldılar.
Hatırlatamız bu kibi aktsiyalar endi ekinci sefer ötkerile.
Avdet bildirgeni kibi, Kiyev şeerinde piyade köpür üstünde #StopKillingIlmiUmerov sözleri ile banner yerleştirdiler. Böyle etip, İlmi Ümerovnıñ taqdirine lâqayd olmağan insanlar oña öz destegini bildireler.