Sentâbrniñ 7-de Aqmescit rayonınıñ Mamut-Sultan (Dobroye-2) köyünde piyade keçitine yaqın Skoda Octavia yengil maşnası insannı basıp öldürdi.
Vefat etken Rustem Kelmambetovnıñ torunı, bloger Rusfet Kadırov qaza yüz bergen yerde video çıqarıp, onı içtimaiy ağlarda yerleştirdi.
Hatırlatamız, dümenniñ başında arbiy edi.
Daa tasdiqlanmağan malümatqa binayen, avgustnıñ 26-da bu dümenciniñ sarğoş yürgeni içün vesiqalarını alğanlar. Bundan da ğayrı, onıñ maşnasında videoregistrator bar eken, amma o, ğayıp olğan.
Avdet bildirgeni kibi, bir sutka devamında Qırımda bir erkek ve bir qadın elâk oldı, avtobusnen yengil maşna toquşqanı neticesinde eñ azdan bir adam elâk oldı, daa bir qaç insan qazalandı.
