Yanukoviç Avropa Birligini Kiyevge qarşı sanktsiyalar kirsetmege çağırdı

16.09.201611:49

Ukrainanıñ sabıq prezidenti Viktor Yanukoviç Avropa Birligini al-azırda devlette üküm sürgen akimiyetniñ “esas aydutlarına” qarşı sanktsiyalar kirsetmege çağırdı.

“Olarğa qarşı Avropa birliginiñ sanktsiyaları güzel çalışır, Ukrainağa qırsızlanğan paralarnıñ çoqusını qaytarmaq mümkün olur, o vaqıt Halqara Para Fondunıñ ödünçleri de kerek olmaz”, dep bildirdi Yanukoviç “RİA Novosti” rusiye agentligine.

Hatırlatamız, cumaaqşamı künü, Avropa Birliginiñ yuqarı mahkemesi Ukrainanıñ sabıq prezidenti Viktor Yanukoviç ve onıñ oğlu Aleksandr, prezident memuriyetiniñ başı Andrey Klüyevniñ esaplarını 2015 senesiniñ mart ayından 2016 seneniñ mart ayına qadar tevqif etkenini tasdiqladı.

Yanukoviç, mahkeme qararını izaatlaraq, “olar menim qabaatım olmağanını daa bir kere tasdiqladılar” dedi.

Author: Редакция Avdet

Avdet gazetası