Yaltada naqliyat vastalarında yürüş içün imtiyazlarnı lâğu etmek isteyler

22.09.20168:37

Yalta şeer memuriyetinde cemaat naqliyat vastalarında imtiyazlarnı lâğu etmek niyetindeler.

Bunıñ yerine imtiyazlı yolcularğa para bermek doğru olur degen fikirdeler.

«Böyle teklif ile mektüp endi Qırımnıñ başı Sergey Aksönovqa yollanıldı. Bu mektüpte nefaqalarnı para sıfatında bermek zarur olğanı isbatlana. Böyle nefaqa sisteması, Qırımdan ğayrı, Rusiyeniñ episi köşelerinde işletile. Aynı zamanda nefaqacılarnı taşığan teşkilâtlarğa zarar ödele, amma böyle vaziyet nefaqacılar ve aydavcılar arasında davalarğa alıp kele», — dedi şeer memuriyetiniñ başı Andrey Rostenko.

Bundan da ğayrı, masraflarnı ödemek içün ayda ne qadar nefaqacı yürgenini bilmek kerek, bunı añlamaq ise pek qıyın, dep yaza «Argumentı nedeli – Krım».

Фото аватара

Автор: Редакция Avdet

Редакция AVDET