Ğayıp olğan qırımtatarnıñ avtomobili Aqmescitte tapıldı

03.10.201615:10

Sudaq sakini Remzi Osmanovnıñ Daewoo Lanos А 803 ХВ avtomobili Aqmescitte tapıldı.

Hatırlatamız ki, Sudaq civarındaki Qapsihor (Morskoye) köyü sakini 32 yaşındaki Remzi Osmanov ile bağ sentâbr 26-da bozuldı. Onen beraber onıñ maşnası da ğayıp oldı.

Faal Lenora Dülberniñ bildirgenine köre, soy-sop ve tanışlar Remziniñ yahşı, müsbet insan olğanını ayta. Remzi Osmanov qurucı olaraq çalışqan edi, o, yuvaş, iç siyasiy aktsiyalar ve merasimlerde iştirak etmegen, dinni kütken insandır.

Remzi Osmanovnıñ yaqınları onıñ ğayıp olğanı aqqında ariza berdi.

Avdetniñ evel bildirgenine köre, keçken afta Aqmescitte Erfan Osmanov ğayıp olğan. O, üç kün bağğa çıqmağan ve işke kelmegen edi. Bundan soñ, 28 yaşındaki Erfan Osmanov Aqmescitteki hastahanelerniñ birinde tapıldı. Onı Kuybışev bazarı rayonında urdılar ve onıñ eşyalarını hırsızladılar.

Фото аватара

Автор: Редакция Avdet

Редакция AVDET