Medeniy Qırım qırımtatar gençleri teşebbüs gruppası iOS ve Android smartfonları içün qırımtatarca-rusça ve rusça-qırımtatarca luğat ilâvesini işlep çıqardı.
Canlı Luğat ilâvesi müellifleriniñ bildirgenlerine binaen, bu, medeniye.org luğatınıñ esasında azırlanıldı.
«Luğatnı işte, faal raatlıq vaqtında, qorantada qullanıñız, çünki ilâvemiz internetsiz de çalışa bile», – dep bildirdiler Medeniy Qırım faalleri.
Bu ilâveniñ hususiyeti şu ki, luğat müellifi er istegen insan ola bile.
«Yañı söz qoşıp ya da şivedeki telâffuznen paylaşıp, ana tili inkişafı temeline büyük isse qoşarsıñız», – dep qayd ettiler ilâve işlep çıqarıcıları.
Canlı Luğat ilâvesinde qırımtatar yaşları içün keçirilgen merasimler aqqında haber etüv funktsiyası da bar.
İlâveni Google PlayMarket ve AppStore-den endirmek mümkün.
Doğru endirüv içün linkler:
https://play.google.com/store/apps/details?id=com.can.. – Google PlayMarket
https://appsto.re/ru/GUm6eb.i – AppStore
http://canlilugat.com/downloads/canlilugat.apk – Google PlayMarket-ten endirmek imkânı olmağanlar içün sayttan doğru endirmek.
Bundan evel Avdet bu kibi ilâveniñ yapılğanı aqqında bildirgen edi.
